ما شاء الله تبارك الله



العودة   منتديات القمة > عالم حواء > قسم الرجيم - الحميه - الرشاقه


ter>
إضافة رد
 
LinkBack أدوات الموضوع انواع عرض الموضوع
قديم 09-08-01, 02:30 AM   #1
الملف الشخصي للعضو

:: عضو جديد ::


معلومات إضافية للعضو
 
التسجيل: Aug 2009
العضوية: 501376
المشاركات: 3
بمعدل : 0.00 يوميا
المواضيع :
الردود :
Rep Power: 15
جواانا جيد

المنتدى : قسم الرجيم - الحميه - الرشاقه
Talking تبون تعرفون تجربتي مع رجيم دشتي تعااااااااااااااالوا حياكم




مساكم الله بالخير ياحلوات

أكيد كل وحده منكم سوت لفه على كل الرجيمات وأي شي تسمعه للتنحيف

على طول ركضضضضض وتشتري أغراضه وماسرع ماتمل وتزهق وترجع لرحلة البحث مرة ثاااااااااااااااانيه


وأنا وحده منهم ومافي رجيم ولا خلطة إلا جربتها وفي كل رجيم لي معه قصه وحكايه

طبعاً تنتهي بالفشل دائما

وأكثر رجيم كرهت فيه عمري هو رجيم دشتي

طبعا أنا هنا ماأسب الرجيم ولا أقول إنه ماينفع لكن طريقتي معه كانت خطأ
>>>>>>>>>>خايفه من د/دشتي لايجي يسطررررني
<<<<<<<<
واللحين بسدحلكم تجربتي واتمنى من كل وحدة دخلت موضوعي أو استافدت منه إنها تدعيلي إني انحف بصحه وعافيه لإني من جد مليييييييييييت ومابقى بالعمر كثر مامضى.......


>



>


>
في البداية أقولكم اني جربت رجيمات كثيرة وتعذبت فيها ومنها رجيم الدكتور حسين دشتي
وقبل ماأبدأ بالأحداث أحب أقولكم يابنات ومن خلال خبرتي في عالم الرجيمات>>>تصدقون لو أقدم فيها رسالة دكتوراه كان اخذ ممتاز مع مرتبة الشرف ههههههههه<<<
إن الأجسام تختلف في تقبلها للرجيم فاحيانا تشوفين وحدة نحفت على رجيم معين وتقومين تسألينها وش سوت ووش تاكل ووش ماتاكل ووش التمارين اللي تسويها ومن هالوشوشه وبعد ماطبقينه بحذافيره تنصدمين إنك مانحفتي إلا كيلوات بسيطة مسرع ماترجع بعد أول وجبة دسمة وهنا عاد يجي الإحباط وترجع الكيلوات مكانها ومعها حبة سكرة زي مايقولوا
والسبب بحكم ثقافتي في هالمجال وكثرة قرائتي فيه يعود إلى طبيعة الأجسام فبعض الأجسام يسمنها البروتين ومايناسبلها أبد وبعضها تسمنها الكربوهيدرات وبعضها السكريات عشان كذا اللي يناسبك مو شرط يناسب غيرك واللي ناسب غيرك مو شرط يناسبك
عشان كذا انا الحين مقتنعه بالرجيم اللي يعتمد على نوع فصيلة الدم لأني احسة مضمون وإن شاء الله ببحث عنه والي تبي تسويه معي الله يحييها
بعد هذي المقدمة نعود بكم إلى رجيم الأخ العزيز حسين دشتي
>>>>>قصة دخولي في هذا الرجيم <<<<
ذاك اليوم جتني اختي تركض ومستانسة وأبشركم ترى أنا وختي في الهواء سواء وقالتلي إن خال صديقتها سوى رجيم ونحف 25كيلو بمدة أربع شهور عاد انا قلت مسويته مسويته وقلتلها تسأل صديقتها عن هالرجيم ووش كان يسوي خالها ووش مايسوي<<<<<<رجعنا للوشوشه ههههههههههههههههه<<<<<
المهم قالتلي إن اسمه رجيم دشتي وان معظم الكويتيات نحفوا عليه حتى اذكر ذاك الوقت كان فيه ممثلة كويتية اللي كانت تتحجب ما اتذكر اسمها كانت سمينه مرة وطلعت بعد فترة نحفانه مرة وقالوا إنها كانت تسوي رجيم دشتي إيه تذكرت اسمها عبير الجندي
وصديقة أختي عطتنا كتاب حسين دشتي في كل شي عن الرجيم من طقطق إلى السلام عليكم وفي نهاية الكتاب حاط تجارب الناس اللي سوه وش كانوا ووين صاروا وقمت بحثت عنه بالنت إلين اقتنعت فيه مية بالمية وقلت مابدهاش وتعاهدت انا واختي المصونه على الدخول في هذا الرجيم وبصعوبه اقنعنا الماما اللي اذكر أنها عارضت اننا نسويه كلنا تقول عشان لو صار شي افقد وحدة ولا ثنتين ياحبيلها ماما تخاف علينا
وبدينا نجهز للرجيم برحلة للعثيم عشان نتقضى لوازم المعركة



:




:



بعد مارحنا أنا وختي للعثيم ضفينا كل شي عندهم مسموح فيه للرجيم وكنا جايبين معنا قائمة المسموحات وعشان الي مايعرف رجيم دشتي أبعطيكم نبذه مختصرة عنه مع إني والله ماحب اتذكره ولا اتذكر أكلاته بس عشانكم يهون كل شي

هذا الرجيم أصله على حسب معلوماتي لواحد فرنسي اسمه اتكنز والدكتور حسين دشتي لطشه منه واضافله بعض التعديلات وسماه رجيم دشتي عشان كذا رجيم اتكنز ودشتي نفس الشي لأن أصلهم واحد
وهذا الرجيم مدته أربعة اشهر وهو على مراحل ويعتمد على البروتينات والأوراق الخضراء فقط أما الكربوهيدرات فتدخل بنسب صغيرة ماتدرين عنه يعني في المرحلة الأولى مسمحلك في اليوم الواحد من الكربوهيدرات مايعادل خيارة وحدة أو طماطة أوحبه تمرةوالسكريات احلمي تذوقينها خاصة في المرحلة الاولى واي لخبطة في هالرجيم يعني لو قطعة حلى صغيرة تبطل مفعول هالرجيم ولازم تعيدينه من اوله >>>>>وهذا هو سبب عذابي<<<<<
يعني مقاضينا كانت كلها في قسم اللحوم أول ما دخلنا فحطنا بالعربية وقمنا نشيل من هالدجاج واللحم والنقانق والسمك وبعدين رحنا لقسم الصلصات والمايونيلز والأجبان
ايه نسيت اقولكم ان الحسنه الوحيدة في هالرجيم إنه يسمح بالدهون بأي كمية يعني الدجاجة سويها بروستت وكوليها بجلدها مافي مشكلة بالعكس كل ما أكلتي أكثر زاد معدل الحرق فتنحفين بسرعه صراحه في البداية انبسطت على هالوضع وبعدين خفت إنه هالدهون تتكدس في جسمي همين يجيني انسداد في الشرايين وأروح فيها عاد ذيك الساعة ماراح تنفعني يادشتيووه >>>>>>خربت الأخلاق<<<<


المهم بعد مارجعنا من التسوق وصراحة كلفنا الشي الفلاني لان اللحوم والأجبان سعرها ناااااااار بس كلش يهون
طبعا من فلاحتي الزايدة أنا وختي إننا مافكرنا نسويه إلا في رمضان على بالنا إننا بنقدر نضبط أنفسنا عشان النهار كله صيام مادرينا إنه عذاب في عذاب



وفي أول أيام الرجيم قررت إننا نسوي جدول نحط فيه عدد أيام المرحلة الأولى الي هي أصعب مرحلة واسمي أنا واسم اختي ونهايه كل يوم نكتب ملاحظاتنا وخواطرنا والصعوبات اللي واجهتنا في هاليوم اذكر أول يوم كانت ملاحظاتنا كلها طفش وتذمر واليوم اللي بعده أهون شوي ومرة كتبت انا بق بق بقييييييق لانه اكلي ذاك اليوم كان دجاج×دجاج عشان كذا حسيت إني منهم وفيهم هههههههه



تصدقون ان اختي إلى اللحين محتفظه بالجدول لا وبعد ورته صديقاتها وقاموا يضحكون علينا بس والله إننا نكته انا كل ماضاق صدري أخذته وقعدت أقراه هههههههههه صدق هبال




في أول أيام الرجيم ووزي ماقلتلكم إني من دباشتي سويته في رمضان كنت قاعده طول النهار اسوي الفطور لهلي قيمات وسمبوسة وجبنية <<<<<آآآآآآآآه يالجبنية أحبها موووووووت<<<<وكريمة وفطاير ومعجنات طبعا هذي كلها من ألد أعداء دشتي >>>>>>>>الله يهديك يادشتي ليش ما تتصالح معهم<<<<<<<<
أنا دايخة وحالتي حالة ويوم أذن المغرب تدرون وش افطرت عليه؟؟؟؟؟؟؟؟












بيض مقلي بس ومن دون خبز طبعا والله إن ذاك اليوم حامت كبدي الواحد إذا كان صايم وقاعد يكرف من الصبح وده يفطر على شي حالي يعطيه شويه طاقة ويرد له روحة وأنا قاعدة أقطع هالبيض وأكله بالملعقة صدق عذاااااااااااااب





بس كنت أحيانا اكل تمرة وحدة عشان افطر عليها اتباعا للسنه واقعد ساعه اكلها ومصمصها والله اني ارحم





حتى جيراننا مدري ليش تسلطوا علينا ذاك الوقت وكل يوم يرسلولنا طبق إما فطاير ولا جبنية <<<<<<<وش قصتك مع هالجبنيه ههههههه<<<<<<<وأنا ادخل هالصواني وقلبي يتقطع ألما وحسرة آآآآآآآآآآآآآآآآه


واستمريت على اصراري وعزيمتي وماكان يدخل فمي ولا شي من الممنوعات إلا أن جاء ذلك اليوم!!!!!!!!!!!





اعزمونا ناس هاي هاي وبرستيج على الفطور وكنت مترددة أروح ولا لا لأن كل اللي راح يقدمونه ماينفعلي


>>>>تصدقوووون بغيت أتهور واخذ معي بيض مسلوق ودجاج هههههههههه<<<<<بس اختي هاوشتني تقول تبي تفضحينا



وما اقدر أعلمهم إني اسوي رجيم لأن الناس مايتركون احد بحاله تقعد كل وحدة تقزقزك وتناظرك من فوق لتحت واللي تقول وشوله الرجيم جسمك حلو<<<<<أقول توكلي بس قال جسمي حلو قال<<<<<<<

والي تقولك إن جسمك أصلاً عريض ومهما سويتي ماراح تنحفين>>>>ياختي عندك كلمه زينه قوليها ماعنك انثبري<<<<<<<<<

فبعد النقاش والتفكير اقترحت علي اختي غني اكل قطعه صغيرة وان شاء الله ماتضر ,,,,ويوم وازنت الأمور لقيت إن هالقطعه أهون من التعليقات اللي راح اسمعها لو صرحت بالرجيم


ورحنا العزيمه وانبسطت واكلت بس شوي







وفي اليوم الخامس للرجيم حدثت الطامه الكبرى؟؟؟؟؟؟؟؟؟؟؟؟












في نهاية اليوم وقبل مانام كالعادة لازم أكتب ملاحظاتي وخواطري وبعدين أقلب هالنت وأقرا تجارب الناس في هالرجيم ونجاحهم فيه عشان اثبت وأرفع من معنوياتي

ولقيت وحدة الله يهديها كاتبة إنها سوت هالرجيم بمراحله الأربع وبعدها بفترة رجع وزنها زي ماكان هنا وجعني قلبي ودارت فيني الدنيا وحاولت انسى اللي قريته وقعدت أدور على شي يشجعني وينسيني اللي شفته

لكن حدث مالم يكن في الحسبان!!!!!!!!!!!!!



وحده الله يهديها بعد كاتبه إنك لو اكلتي شي بسيط من الممنوعات يبطل مفعول الرجيم ولازم تعيدينه من اوله



في هاللحظه تذكرت العزيمة وحاولت ماصدق كلامها ودخلت على موقع الدكتور نفسه ولقيت نفس الكلام





فقررت إني اترك هالرجيم لأني لو استمريت فيه رايح يكون مصيري المصحة النفسية




وقمت وكتبت آآآآآآآآآآآآخر ملاحظاتي في الجدول وهو قرار انسحابي


ويوم قامت اختي وقرته عصبت وهاوشتني بس بعد فترة هي الثاني بعد انسحبت






النهــــــــــــــــــــــــــ ــــــــــــــــــــــــــــــ ـــــــايه



 

تبون تعرفون تجربتي مع رجيم دشتي تعااااااااااااااالوا حياكم


التعديل الأخير تم بواسطة جواانا ; 09-08-01 الساعة 02:35 AM
جواانا غير متصل   رد مع اقتباس
قديم 09-08-01, 03:31 AM   #2
الملف الشخصي للعضو


 
الصورة الرمزية مغرورة بحبك

معلومات إضافية للعضو
 
التسجيل: May 2006
العضوية: 86052
المشاركات: 16,365
بمعدل : 5.32 يوميا
المواضيع :
الردود :
Rep Power: 2147483647
مغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزهمغرورة بحبك تمتلك شخصيه فريده ومميزه

العضو : مغرورة بحبك المنتدى : قسم الرجيم - الحميه - الرشاقه

روووعه

يعطيك العافيه على المجهود ..

 


__________________

ما فات مات ( العفـــو) مافات /ما مات ’’ مافات كله عايــــش بخــــير فيني !!








مفـارق والذي يخليك لحظة بطفي مصباحي ..
تعرّى الدمـع ساعدني ألبّـسه الظـلام ثياب !!
مغرورة بحبك غير متصل   رد مع اقتباس
قديم 09-08-01, 11:23 PM   #3
الملف الشخصي للعضو

 
الصورة الرمزية ★ Яoshan ★

معلومات إضافية للعضو
 
التسجيل: Nov 2007
العضوية: 245749
الدولة: Au-dessus des nuages
المشاركات: 6,287
بمعدل : 2.48 يوميا
المواضيع :
الردود :
Rep Power: 165175921
★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه★ Яoshan ★ تمتلك شخصيه فريده ومميزه

العضو : ★ Яoshan ★ المنتدى : قسم الرجيم - الحميه - الرشاقه

يعطيكي العافية

 


__________________





RooZ EeYeE
يسلموو ع التكريم
★ Яoshan ★ غير متصل   رد مع اقتباس
قديم 09-08-02, 02:52 AM   #4
الملف الشخصي للعضو

:: عضو جديد ::


معلومات إضافية للعضو
 
التسجيل: Aug 2009
العضوية: 501376
المشاركات: 3
بمعدل : 0.00 يوميا
المواضيع :
الردود :
Rep Power: 15
جواانا جيد

العضو : جواانا المنتدى : قسم الرجيم - الحميه - الرشاقه

مشكوريييييييييييييييييييييييييييييييييين على المرور وياهلا والله فيكم

 


جواانا غير متصل   رد مع اقتباس
قديم 09-08-29, 01:41 AM   #5
الملف الشخصي للعضو

:: عضو جديد ::


معلومات إضافية للعضو
 
التسجيل: Sep 2008
العضوية: 406756
الدولة: حيث للإنسان وطن !!
المشاركات: 13
بمعدل : 0.01 يوميا
المواضيع :
الردود :
Rep Power: 76
بك أحيا جيد مرتفع

العضو : بك أحيا المنتدى : قسم الرجيم - الحميه - الرشاقه

ههههههه


بصراحة انبسطت على الموضوع

جوانا شوفي عزيزتي رجيم دشتي انا ماجربته

بس باقولك على رجيم تسوينه واضمن لك النتيجه

رجيم الشابوره

كل ماجعتي خذيلك شابور

والسوائل مسموحة بحد معقول

 


بك أحيا غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are متاحة
Refbacks are معطلة



الساعة الآن 10:03 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd. ,
Search Engine Optimization by vBSEO ©2011, Crawlability, Inc. القمه
شات